Roda de afiador

Roda de afiador no ensanche compostelán, en decembro 2013

Solidariedade

En solidariedade coas víctimas do accidente ferroviario en Santiago de Compostela

Ficha de traballo (2)

A DISTRIBUCIÓN DO TRABALLO:

¿Como se repartían os distintos labores domésticos entre os membros da familia?

• Prende-lo lume;
• Facer de comer;
• Lava-la louza;
• Lava-la roupa;
• Pasa-lo ferro;
• Face-los leitos;
• Carrexa-la auga;
• Facer acopio de leña, piñas, fentos e faísca;
• Atender ós animales (darlles de comer, muxi-las vacas, recolle-os ovos, leva-las vacas ó monte...);
• Elaborar o pan (amasar, quenta-lo forno, enfornar...);
• Atender ós nenos máis pequenos, ás persoas maiores, ós enfermos, ás mulleres recén paridas...;
• Procura-los productos necesarios para facer de comer (nas leiras, na tenda ou taberna, na feira...);

¿Había traballos exclusivamente femininos ou exclusivamente masculinos?

¿Colaboraban os nenos e nenas nos labores domésticos? Especificar.

¿Cales eran os labores propios das persoas de máis idade?

Da miña bitácora

Da miña bitácora

Ficha de traballo (1)

A alimentación: o consumo de leite (2)

O leite non se mercaba nas tabernas.

As familias que precisaban mercalo porque non tiñan vacas poñíanse de acordo con outras familia, non precisamente a máis próxima, senón algunha coa que tiveran algún tipo de parentesco, sanguíneo ou espiritual, porque en Galicia o adquirido por matrimonio ou apadriñamento era un parentesco incluso máis sagrado que o outro, ou, simplemente, confianza.

O leite así adquirido soía pagarse por semán, por quincena ou por mes.

Fragmento dos Diarios de Mariana Canabal:

Un dos labores que debía facer cando era nena no tempo que non había escola, poiscando a había anoitecía moi cedo, era o de ir á tardiña buscar unha botella de leite á casa da R., que quedaba a uns cinco minutos da miña casa atravesando a carballeira.

Levaba unha botella das gaseosas de un litro. Xa desde a corredoira ouvía ladrar o can que estaba ben atado no fondo da eira e non podía alonxarse do seu cocho o suficiente para trabarme. Poñéndome na punta dos pés, mentres xuxeitaba coa man direita a botella da gaseosa polo ferro que facía presión para que pechara hermeticamente, despois de varios intentos, acababa por chegarlle ó manubrio do portal de ferro coa man esquerda e abri-la folla da direta o suficiente para introducirme de lado e, seguindo as paredes da casa, chegar ata a cociña na que se atopaba Lola, a muller do home da casa (pois a muller da casa seguía sendo a súa sogra) quen despois de darme unhas galletas, unha onza de chiculate ou unha peza de froita e de interesarse pola saúde de miña avoa, levábame agarimosamente da man á corte para muxir unha vaca; tiña anta habilidade que enchía directamente a botella sen que se perdera unha soa gota de leite.

Poñíame a botella con coidado na man e sentíaa morna; era a mesma sensación que sentía cando era máis pequena e me collía no seu colo para que poidera observar como o seu neno durmía placidamente no berce...

A meirande parte dos nenosda miña idade non poidían facer este mandado porque polo camiño bebían parte do leite e logo, para que non se notara, botábanlle auga, cando non mexaban nel, pero a mi o leite só, fervido ou non, nunca me gustou; cando non tiña idade para tomalo con café e aínda non se popularizara o Cola-cao, tomábao con cascarilla...